黃曉明出動湊仔力證係好爸爸　豈料因一舉動反而捱插？

內地男星黃曉明與Angelababy（楊穎）離婚後，兒子「小海綿」交由Baby全力照顧，早前黃曉明大談爸爸經，仲被網民狠批冇資格，但事實上黃曉明亦有盡爸爸責任，對囝囝愛錫有加，近日佢更被拍得與媽媽一同湊住囝囝出行，力證離婚後同Baby輪流湊小朋友，絕非將所有責任交晒畀Baby。見黃曉明打扮低調，戴上Cap帽、口罩，期間「小海綿」表現興奮，不時紮紮跳，並全程由嫲嫲拖實，惟黃曉明於後邊只顧睇手機，此舉即時引起網民熱議，直指佢同囝囝相處時間已經不多，難得父子相聚時唔應該掛住玩電話，但亦有網友護航，指睇手機只係人之常情：「明星不讓玩手機？無聊！」