吳彥祖進軍荷里活全為囡囡 父女檔行紅地氈卻反對入行?

2022年08月11日 13:01
東網電視
更多新聞短片
型男吳彥祖近年主力美國發展,近日更加盟美劇《西部世界》(Westworld)第4季,早前佢仲帶同老婆囡囡現身首映禮行紅地氈造勢,佢日前為宣傳劇集受訪時坦言進軍荷里活全為咗囡囡,希望喺美國長大嘅女兒能夠係螢光幕上見到多啲亞洲人面孔,自己亦堅持唔接傷害亞洲人形象嘅角色,認為近年美國仲有好多仇恨亞裔嘅事件發生,希望能盡一分力改變美國人對亞洲人嘅刻板印象。而講到帶埋囡囡行紅地氈,佢卻表示唔想囡囡入娛樂圈,因為自己都係過來人,作為圈中人尤其係女性,所有衣着打扮言行舉止都可能會被人批評,不願囡囡承受如此壓力,希望佢長大能夠成為醫生律師等專業人士。
講到劇集探討科技世界,吳彥祖自己亦經常活躍於社交網,提起佢曾公開表示結婚10年「下面好少用」,佢就尷尬笑指近年幾乎冇喺亞洲出現,故會用社交平台同粉絲溝通,分享更多私人生活。