港姐2022︱梁超怡掩3處紋身大成功　不慎露缽仔糕百密一疏

（3）佳麗陳瑞菱因手術留下一呎長疤，她今日（11日）以泳裝示人。雖有用遮瑕用品遮掩疤痕，但現場所見都頗為明顯，她被問到今次以泳裝示人，會否感到很緊張？陳瑞菱謂：「初初做完手術都會好介意，但依家沉澱咗，覺得呢個係我嘅重要一環，同埋都慶幸年輕時經歷，令人生更加精彩。」談到曬到一身古銅色，是否想令疤痕顏色冇咁明顯？她則否認：「唔係，本身我都喜歡戶外活動，以前仲黑，參加港姐先白咗。」

有「翻版孫藝珍」之稱的（14）梁超怡身上共有三撻紋身，分別是左右前臂內側以及左腰間，但見傳媒時因成功遮瑕，所以完全看不到，只是閃光燈下才稍稍現形，亦承認因尊重大會場合，特登遮了紋身，現場亦見她露了少少缽仔糕；不時愛在社交網晒泳裝的她，指自己很喜歡着泳衣去海灘：「喺美國嘅時候成日去，對着泳衣都有信心可以加分，加上近排接受跳舞訓練，都瘦咗成3、4公斤，應該仲可以再進步啲。」