關嘉敏拍跳樓戲緊張到瞓唔着 埋位腳震唔敢望下面

2022年08月11日 20:01
東網電視
更多新聞短片
女星關嘉敏(Carman)最近忙於拍攝舞綫新劇《你好,我的大夫》,日前Carman要拍攝一場跳樓戲,首次拍攝危險動作的她直認前一晚感到好緊張。她說:「個腦不停諗應該點樣演繹好?應該點樣跳落去好?到真係要埋位企上去都有少少腳震㗎,唔係好敢望下面,所以就周圍望下風景,仲見到何廣沛喺樓下同我say hi,好快就無咁緊張喇,跳咗一、兩次後,居然仲覺得好好玩同興奮。」
之後她跟同劇的蔡思貝(Sisley)要拍攝一場躺在氣墊上的戲份,仲吸引埋張振朗同李日朗圍觀,她笑說:「佢哋笑我哋不停喺氣墊上面自拍,但唔知係咪太刺激,拍完嗰晚我就成晚都瞓唔着喇。」腦海全部都是高空跳落去的畫面,她說:「雖然拍呢場戲係有啲刺激,但要提醒觀眾朋友,呢啲危險動作需要有專業人士在場指導,大家切勿模仿啊! 今次劇情係講我因為個病而有輕生既念頭,好彩有Sisley捨身相救,最後我哋一齊跌咗落氣墊,佢仲因為咁樣擦損咗手臂。長氣都要提多次觀眾朋友,有心事唔開心要搵朋友傾訴,千祈唔好有輕生既諗法啊!」
問到Sisley有冇特別難忘事,她說:佢表示:「其實睇住Carman企上去,我都有啲覺得緊張同埋覺得好牙煙,但幕後嘅同事真係好專業,所以都唔擔心嘅。到拍我同Carman喺氣墊上面嘅戲份,我哋仲氣墊上面萌芽咗感情線,因為氣墊放氣,我哋就要抱埋一齊,感情就係咁發生咗喇。」