最強大腦!「學霸千金」何超蓮秒答數學題展現高智商

2022年08月12日 00:01
東網電視
更多新聞短片
賭王家族個個高材生,被譽為「數學天才」嘅四房兒子何猷君於美國麻省理工大學金融系畢業,妹妹何超欣則擁有美國麻省理工大學雙學士學位及清華大學碩士學位,認真人才輩出!至於何超蓮同樣唔輸蝕,以一級榮譽成績畢業於英國倫敦大學皇家霍洛威學院嘅佢,近日大玩影片特效,勁騷數學天份,片中佢需要喺限時內即時回答隨機嘅數學題,當中更包括開方、次方等較深嘅題目,但佢都係平均約2秒就答到一題,15秒內答咗7題,當中更答啱6題,終獲得120分高分,較網民平均不足100分嘅分數高出足足20分,不愧出自學霸之家,即獲網民大讚「最強大腦」。