胡定欣反應慢腦筋唔靈活 笨拙一面表露無遺

2022年08月12日 17:01
東網電視
更多新聞短片
藝人胡定欣聯同劇集《白色強人II》團隊昨晚(11日)為遊戲節目《開心無敵獎門人》進行錄影,定欣坦言記不起以前有否參與過該遊戲節目:「就算有都係10幾年前,印象好模糊,我今次嚟係攞回憶,同埋係將自己笨拙一面表露無遺。(最怕係邊個遊戲?)我最怕玩辣辣壽司,我唔係怕食壽司,而係驚畀人睇到反應慢同個腦轉唔切,身體同個腦唔協調,怕觀眾見到我同套劇入面嘅醫生角色唔襯,希望唔好輸咁多,能番條底線。」她指之前看了Crazy Runner那一集很搞笑:「喺弱嗰方面我應該比黃智雯強,見到佢哋贏咗好多獎品,好開心。」
而前港姐蔡嘉欣都有為節目進行錄影,她稱今次是第一次參與該節目,但完全不緊張:「因為我哋嗰組有大王(安德尊),佢係超級遊戲高手,我之前同佢拍《流行都巿》玩過遊戲,佢乜都會贏,我就比較擅長搞氣氛,但轉數都OK。」
提到早前她在網上為美容產品宣傳時,自畫黑眼圈造假,遭網民喪插,她解釋說:「個工作係公司接,我唔方便講太多,化黑眼圈都係個客戶安排,唔係我自己化。(你唔覺得咁做有問題?)個客覺得冇問題,我係驚訝我喺觀眾心目中係冇黑眼圈。其實個產品係有效,只係個手法太誇張,啲網民太聰明。(下次遇到同樣事件會唔會出聲?)我哋有時會同啲客溝通,但有啲工作係公司安排,我哋好被動。」