港姐2022︱10號何思懿跳舞多次搶風頭 9號陳銘鳯忘記歌詞識執生

20220812
東網電視
更多新聞短片
港姐19位候選佳麗日前到愉景灣進行一連7日的訓練,期間更接受麥秋成及趙增熹的歌舞劇訓練,才藝演出,今日佳麗們作預演,分組作個人及團體表演,並進行才藝表演拍攝。10號何思懿先後跳了多次搶風頭,而9號陳銘鳯則自彈自唱,但就忘記歌曲,期間叫大家大合唱掩飾,甚識執生。而16號敖嘉揚就跳得最差,手腳不協調。
何思懿成了今日的「跳舞擔當」,更站c位,她受訪時謂:「中學開始學跳舞,JAZZ、HIP HOP都學過,好多佳麗都有請教我,今日呢個都係一個搶分位,都開心嘅,不過跳到有啲氣喘!」而14號梁超怡亦跳得不錯,她指自己曾學過一、兩年HIP HOP,現要慢慢再練番,她謂:「連日嚟,除咗正式排練,我哋都有自發性去練,尋日都練到凌晨。」至於問到她身上有三處紋身,超怡明顯有所避忌,不願多談,只謂:「呢啲私人嘢,同埋都係啲私人部位,唔方便講,希望大家專注我喺比賽上面嘅嘢。」
3號陳瑞菱以及13號邢慧敏分別是兩隊團體組的隊長,剛巧又被編排同房,問兩人會否因要守隊中秘密而感到為難?邢慧敏笑言:「我都以為會有咁嘅情況,但實際又無,我哋仲成日都有商量,點樣可以幫助隊員好啲。」她還指眾佳麗的表現都相當之好,排了兩、三日經已進步很多,而身為連詩雅師妹的她,被問到會否對唱歌、跳舞有信心?她謂:「以前都無話去學過唱歌、跳舞,到決賽嗰陣應該都會玩番空中瑜伽。(MIRROR墮屏事件,會唔會對吊高環節有所擔心?)相信公司有經驗。」有學過跳舞的陳瑞菱,表演時都有板有眼,她指自己都努力練習中,並指有學肚皮舞,並視為自己才藝表演的「秘密武器」!