蔡依林「脫粉風波」後蒲頭　驚見撞樣王祖賢

台灣「G奶天后」蔡依林（Jolin）最近因負面傳聞令內地Fans人數急瀉，短短一晚「脫粉」近30萬，仲少咗喺社交網更新近況。而喺前日（11日）蔡健雅（Tanya）就喺社交平台分享「織女聚餐」嘅靚相，見Jolin都喺其中，眾人大晒針織成果，非常開心。而Tanya仲喺貼文寫到：「聚餐還是不忘推銷和展示織物的織女們！」而網友都紛紛讚美佢哋嘅編織技術高超，仲話：「下次預購新專輯會送編織帽嗎」、「看了編織包好療愈啊」、「一眾才女」。不過有網民就發現Jolin嘅近照同「亞洲第一美女」王祖賢驚喜撞樣，仲留言話：「小倩回來了，我找了妳好久」，相當搞笑。