鍾欣潼晒蛇腰曝光最新體重　網民跪求：請交出瘦身秘笈！

藝人鍾欣潼（阿嬌）因參與內地綜藝節目《乘風破浪3》成功減磅10公斤，無論外表同身形都重回癲峰，相當靚女。而前日（12日）阿嬌就喺社交網貼出近照，見佢一身睡衣Look對住連身鏡自拍，大晒蛇腰以及窈窕身形，精神睇落仲非常唔錯！之後佢仲貼出一張磅重相，見磅上顯示阿嬌只得45.5公斤，睇嚟佢愈減愈起勁，相當犀利。而粉絲都大讚佢話：「太厲害了」、「跪求嬌嬌交出瘦身秘笈」、「又瘦又美」、「如何做到的」。