譚俊彥約陶大宇開餐互笠高帽 笑老婆育兒似軍訓

2022年08月13日 00:01
東網電視
更多新聞短片
「雙料視帝」譚俊彥(Shaun)因為父親狄龍的關係,與陶大宇分屬好友,2人日前飯敍,順道補祝生日。2人惺惺相惜,Shaun讚大宇工作認真兼勤力,大宇亦讚Shaun謙卑有禮,是圈中後輩的好榜樣。
譚俊彥「稱帝」後工作接不停,剛完成內地工作回港,即忙着拍攝月餅廣告。雖然工作極為忙碌,但他亦有抽時間見朋友,日前就與陶大宇開心飯敍,並補祝42歲生日。雙方緣分全因Shaun的爸爸狄龍而起,大宇與狄龍曾於20年前在劇集《雄心密令》合作,他大讚對方是很好的前輩,而且教得Shaun謙卑有禮,令他相當佩服,Shaun對大宇亦有讚無彈,指他是位認真又勤力的藝人。
享受湊仔 唔嫌辛苦
狄龍對Shaun的家教向來嚴謹,而Shaun現時已是一家之主,他早前接受專訪時談及家庭,表示向來較為傳統,最重視一家人齊齊整整:「到依家仲會一家四口一齊瞓,雖然我通常都係得番個角落,哈哈!(感覺到湊小朋友好辛苦?)唔辛苦喎!我好享受湊仔,仲覺得時間唔夠,未試過帶佢哋Staycation。自己工作關係,但凡要Book時間嘅活動都唔敢諗,依家最希望暑假有時間教識個女踩單車。」
問到如何教導小朋友?他指學術及時間管理主要由太太負責:「太太安排晒學習同休息時間,我成日笑佢好似軍訓。(你冇幫手?)呢方面我比較鬆,主要負責搞事。」話雖如此,其實他跟爸爸狄龍一樣,很重視小朋友的品德,他表示:「唔准佢哋玩食物,要有衣食,唔可以浪費。」又指小時候父母忙於工作沒時間管教,令他養成很多壞習慣,結果到社會工作後經常碰壁,不過他理解父母要賺錢養家,所以從未怪責他們,只是會有疏離感。