被飛出新劇真相　蘇皓兒離巢即被Cut角色

宅男女神蘇皓兒今年4月突然被官方撤出「亞視幫」姜皓文、江美儀等主演嘅新劇《下流上車族》，當時就有傳佢因演技備受質疑而臨時被飛出劇組，改由前港姐郭柏妍頂上。其經理人更表示曾聽過有角色留畀蘇皓兒，但一直未有再更新消息。不過隨住蘇皓兒剛在上月同邵氏兄弟完約，結束兩年的賓主關係，原來離巢先係「死因」！

上月蘇皓兒同邵氏兄弟完約，蘇皓兒經理人承認消息，仲話依家唔同工作交由公司斟洽，稍後有其他工作安排就會再向外公布，其經理人合約就繼續由昇陽娛樂（前名：太陽娛樂文化）負責。