陳凱琳鄭嘉穎結婚4周年大晒幸福　發長文剖白婚後感受

藝人陳凱琳（Grace）與鄭嘉穎一向非常恩愛，係圈中嘅模範夫妻，婚後二人更誕下兩子Rafael及Yannick，生活幸福美滿。前日（11日）係佢哋嘅結婚4周年大日子，Grace喺社交網大晒幸福，貼出一家去主題樂園玩嘅短片，Grace仲着上粉紅色背心扮米妮，場面可愛又溫馨，更發長文剖白婚後感受，非常Sweet！

而今日（13日）Grace就貼出同嘉穎以及友人慶祝嘅照片，見佢哋去餐廳食大餐，非常開心。Grace更寫到：「今個結婚周年紀念，又食好嘢，又同好朋友聚下，最緊要嘅係：老公仲肯同我自拍同埋親自揸機幫我影相添！Anniversary果然唔同啲嘅！」搞到網民都話閃盲咗呀！