陳楨怡疑重返幕前　舊愛周子揚祝愈做愈好

前港姐陳楨怡（Celina）自被前藝人男友周子揚爆一腳踏兩船，令其形象盡毀後，Celina近期頻頻在社交網甫新相，似乎積極為重返幕前而鋪路，而周子揚失戀後，全情投入業務發展，近日其公司被選為香港13大傑出科技公司之一，有機會打入大灣區市場，開拓東南亞版圖，他說：「之前同Celina嘅新聞，我被人鬧咗『渣男』鬧咗半年，好在真正認識我嘅朋友，知我係個踏實做事工作嘅人，唔係花花公子，我目標係將公司搞上市。」

周子揚自言和Celina分手後，坦言「見過鬼都怕黑」，不敢再跟圈中人拍拖：「之前同兩個圈中女仔拍過拖，發覺真係好唔適合囉，感情一涉及名利就好難繼續，娛樂圈男女關係比較複雜，拍劇容易有緋聞，以後我都唔再搵貪慕虛嘅女仔，如果係劈腿、多角關係嘅女仔，就算個樣有幾靚，我都唔會接受。」雖然和Celina不歡而散，但他仍視Celina為朋友：「祝福佢可以愈嚟愈好，我同佢冇聯絡啦，依家我唔想拍拖，只想搞好科技平台公司嘅發展。」