蕊蕊吸男客人試生酮 梁奕藍戥阿Mo不值:表演使乜飛高飛低

20220814
東網電視
更多新聞短片
藝人蕊蕊最近入股《全民造星》歌手梁奕藍(Hayden)的生酮食品生意,近日首次參與美食展,Hayden笑言有對方加入,令男士客戶比例大幅提升,蕊蕊表示:「我身邊啲男性朋友同老闆經常要應酬,好多都有身體問題,生酮飲食唔止係減肥,糖尿病或三高,醫生都建議食,所以佢哋都會問我意見同想試食。」講到投資金額,Hayden指單憑對方的外表已經無價,蕊蕊坦言有意加大投資金額,因他們計劃開餐廳:「Hayden好犀利,之前半年開3間店,否則我唔會主動搵佢合作,我唔識做生意,見佢咁成功,我如果自己做,不如一齊做。」她透露之前做生意都蝕錢收場:「我之前開過舞蹈學校,但冇乜理,執咗我都唔知,又開過水晶店,全部夾埋都蝕咗6位數,不過都係學習過程。」Hayden謂現時先做好香港,待疫情緩和後再發展內地及東南亞市場。
另外,提到MORROR演唱會發生意外,Hayden跟受傷的舞蹈員阿Mo參加同一屆選秀節目,他說:「我都認識佢,希望佢快啲好番,心入面都唔舒服,我覺得意外發生有好多原因,但預算上一定係有啲問題,我都做咗2年生意,生意係慳番嚟,但慳錢好多方法,其實MIRROR 12個人,加埋專業舞蹈員已經好好睇,想慳咪個舞台做得簡單啲,就算平地,睇佢哋12個人都夠,使乜飛高飛低,如果想飛高飛低畀驚喜觀眾,就要用最專業團隊花錢做最穩陣最安全嘅製作。」蕊蕊祝願阿Mo早日康復,不要再發生同類型事件,並期望業界注重舞蹈員的保障。