離巢即過檔友台?蘇皓兒孖ViuTV男神拍旅遊節目

20220814
東網電視
更多新聞短片
宅男女神蘇皓兒早前傳被撤出無綫新劇《下流上車族》,昨日(13日)更爆出離巢邵氏兄弟,結束兩年嘅賓主關係,其經理人亦承認消息,指稍後有其他工作安排會再向外公布,但話口未完,今日(14日)蘇皓兒就公布新嘅工作,原來已準備好出埠拍攝旅遊節目。佢喺社交網晒出於機場出發嘅靚相,以及同家中寵物道別嘅影片,並留言表示:「終於,終於!第一次拍旅遊節目,請多多指教。」預告飛往日本工作,不過最令人驚喜嘅,就係佢竟然同ViuTV男神陳安立合作做主持,即引起網民揣測,疑似一離巢即過檔ViuTV。