蒙嘉慧日本遊神社遇過雲雨　好在個Cake保得住！

「幸福人妻」蒙嘉慧（Yoyo）同老公鄭伊健移居日本福岡之後，上年獲老公鄭伊健揼本逾百萬，於當地開設房地產公司，主打物業管理。佢趁住得閒就會喺當地四圍行吓，睇吓風景，歎吓美食，對於好耐都冇得去旅行嘅香港人嚟講，真係好羨慕呀！佢尋日（14日）就大晒去咗神社玩嘅相，睇見佢邊歎咖啡同食Cake，邊睇靚景，相當寫意，不過突然有舊黑雲愈飄愈近，佢睇見就快會落雨，所以就即刻拎埋杯嘢同個Cake閃人，事後佢仲「報平安」話個Cake冇事添，認真搞笑！