孖情歌天后梁靜茹同框合唱　小粉絲歐陽娜娜另類圓夢

「情歌天后」梁靜茹近日亮相內地音樂綜藝節目《中國好聲音》擔任導師，其演唱環節點閱率超過216億次，仲攞埋收視率第一，即於內地人氣再升。最近佢就喺社交網拍片唱經典歌曲《寧夏》，仲廣邀粉絲一齊合唱，其中來自台灣嘅當紅小花歐陽娜娜原來都係其粉絲，即拍片隔空同框合唱，其表演絕對唔輸原唱，梁靜茹歌聲療愈，歐陽娜娜則甜美兼充滿少女味，各有千秋同樣出色，而且配合度相當高。其實同樣係歌手嘅歐陽娜娜，一早就翻唱過呢首《寧夏》並收錄於專輯，唔知幾時可以同偶像現實中同台合唱，正式圓夢呢？