邱淑貞大女沈月21歲生日　露膊騷迷人鎖骨贈興

一代性感女神邱淑貞大女沈月盡得母親美貌真傳，獲封「最美星二代」，年紀輕輕已成為時尚界寵兒，不但曾為品牌於國際時裝周行騷，最近亦亮相時尚雜誌成為封面人物，前途無可限量。近日佢21歲生日，人緣甚好嘅佢獲親友大搞生日派對慶生，佢喺社交網大晒慶祝片段，見現場布滿大量氣球布置，壽星女收到兩大束鮮紅色及粉紅玫瑰外，更有足足3個生日蛋糕，收穫相當豐富，而佢當晚仲着上黑白色露膊晚裝裙，大騷香肩及迷人鎖骨，性感得嚟又不失大方高貴。