突然升Cup！Baby分享離婚後心情：心中的小鹿不見了

女星Angelababy（楊穎）今年初宣布同黃曉明離婚，但係Baby嘅事業冇受影響，最近曝光率十足，一口氣孭飛3個真人騷之餘，仲劇接劇咁出街，真係忙到爆！其實佢喺啱啱宣布離婚嗰陣，出活動時被發現身材暴瘦兼皮膚勁Dry，應該係受咗唔少打擊，不過時間可以沖淡一切，到咗近日佢喺內地真人騷《心動的信號5》擔任戀愛觀察員，同大家分享離婚後嘅心情話：「故事和套路看多了，心中的小鹿反而不見了，還能說撞就撞嗎？」佢仲同素人交換Contact，完全冇明星架子，心情仲好唔錯呀！

但係網民就錯重點，表示留意到Baby喺節目預告片中，以白色低胸晚裝亮相，上圍升Cup咗唔少，「峰」頭十足，睇嚟Baby已經成功走出離婚陰霾，網民祝佢快啲搵到新戀情添！