最高紀錄10日唔洗頭！范冰冰寧花2年研發護髮秘方

內地女星范冰冰出晒名唔鍾意洗頭，高峰期曾有高達10日唔洗頭，破晒女星Angelababy（楊穎）、楊丞琳等7日嘅紀錄，可謂女星「第一人」。呢日范冰冰就大方拍片公開唔洗頭都依然保持唔油唔邋遢嘅秘訣，佢笑言：「都不是外人，3天不洗依然高顱頂的秘密，帶住我心愛的寶藏和大家見面！」原來呢個私家保養秘方，就係將旗下品牌嘅髮膜、髮油及護髮素混合，塗上頭髮再以浴帽包實，然後用家用電髮加熱，達至喺屋企都能夠有去Salon做treatment嘅效果，佢同時提醒大家洗頭吹頭期間，千萬唔好用梳梳頭，亦切忌用毛巾大力抹乾，只要用毛巾包住吸水，就可以保持滋潤而不傷頭髮。佢又自爆為咗唔洗頭，竟然同品牌花咗足足2年時間研發髮膜，真係估佢唔到！