林盛斌新節目冇得叮「自己友」：有少少殘酷

藝人林盛斌（Bob）以主持人身份出席無綫才藝比併節目《全城一叮》拜神儀式，節目承傳《殘酷一叮》的精神，Bob表示當年《殘酷一叮》播出時，自己仍在求學階段，他說：「今次節目嘅參賽者全部係無綫藝人，報名人數好多，最後揀咗20個單位，呢個係一個好好嘅舞台，佢哋可以喺黃金時段有三分鐘作個人表演，係難得機會，我有睇佢哋採排，個個都好有料，有人跳舞，有人玩魔術，可以畀觀眾重新認識佢哋。」Bob認為節目很有正能量，讓一班在無綫默默耕耘的同事有自己舞台，開心有機會擔任主持：「我哋仲請咗伍詠薇同蔡一傑做嘉賓，不過同《殘酷一叮》唔同，無論主持或嘉賓都係冇得叮人，全靠觀眾去叮人，所以都係有少少殘酷，但都好反映現實，正如我哋做幕前如果做得唔好，觀眾都唔會再睇你。」