張穎穎被網友鬧喊 張蘭聞言怒罵:你家沒給你燒錢嗎?

20220816
東網電視
更多新聞短片
台灣女星徐熙媛(大S)前夫汪小菲同內地女星張穎穎依家打得火熱,感情愈見浮面,可惜「未來奶奶」張蘭就唔係太接受,多次公開暗踩女方做「臭蟲」、「屎殼郎」等,未過門先敗一將。早幾日張穎穎就同張蘭打對台做直播帶貨,引嚟大批網民留言諷刺:「誰買誰離婚」、「沒別的地方掙錢了嗎」等,更有指張穎穎一度表示因為網路問題中斷賣貨,實情係佢被網友鬧到喊!
點知第二日換張蘭上陣賣貨,有人就留言通知佢前一日「新媳婦」被鬧到喊,成功激起張蘭嘅怒火,直接開咪喪鬧對方:「跟我有甚麼關係呢?你怎麼就瞎請安吶!你是吃飽了撐的嗎?剛過完中元節,你家沒給你燒紙(錢)嗎?」雖然把口就鬧緊網友,但似乎佢對張穎穎都仲係諸多不滿。