就是青春︱洪韻騏獲封翻版炎明熹有壓力:我同佢各有特色

2022年08月16日 18:06
東網電視
更多新聞短片
香港開電視選秀節目《就是青春》參賽者洪韻騏(Wincy)與林躍翰(John)齊齊受訪。Wincy背着「翻版炎明熹」之名,問她可有壓力,她說:「係呀,不過我同佢各有特色,都欣賞佢演出令人眼前一亮。(除咗唱歌外,你仲有乜強項?)畫畫、彈琴同跳舞,我都學咗幾年芭蕾舞。(你對自己演唱嘅劇集宣傳歌滿意嗎?)幾好,喺電視聽到自己嘅歌聲好得意。」
至於被指貌似胡鴻鈞的John則說:「好多朋友話我哋似樣,我就覺得角度啫。其實我幫過佢MV跳過舞,但同佢唔認識。(想擺脫翻版之名?)想,但又唔係好介意,最緊要大家記得我就係我。(曾參加過兩次《全民造星》?)係,自己好想入行。」
而參賽者劉庭君(Mindoro)身形微胖,又透露為參加今次比賽,已成功減去20磅:「依家大約58KG,想減到52KG,所以平日要食得健康啲,同埋飲好多水。雖然我缺乏身形同高度,但希望盡能力走到最後。」另外,18位參賽者年齡由12至27歲,年紀最小的趙啟嵐及司徒泆同樣表現相當淡定,前者更演出經驗豐富,曾於劇集內扮演林峯兒子。
製作費高達2千萬
製作人余詠珊與丈夫何哲圖都有現身記者會,節目由余詠珊牽頭纜的「好好製作」負責,受訪時她表示:「今次製作費高達2千萬,開電視其實已經同所有參賽者簽晒約,培育佢哋為『寶藏』。嚟緊我哋都會每年舉辦一次,因為娛樂圈需要新血承傳。」她又指已陸續安排參賽者們幕前演出及走進錄音室:「好似開電視嘅節目及劇集宣傳歌,我都搵咗佢哋幾個負責演唱。」她透露18位參賽者由年初開始受訓至今,所有花絮都已被攝入鏡頭內,但正式拍攝倘未開始:「第一集會喺9月24號推出,成個節目有15集。」
所有入圍參賽者經千人海選進級,大部分「身懷絕技」,例如「炎明熹勁敵」洪韻騏、「翻版林家謙」康志維及「翻版胡鴻鈞」林躍翰,而「高學歷一族」則有「準社工」阮偉倫及「準醫生」林曉蕙等。而談到今次賽制,余詠珊說:「盡量想觀眾參與,會有唔同類型嘅評判組合,包括大、中學生,我哋又會去科學園拍攝,搵IT人投票等等。」她又指自從洪韻騏被報道成「炎明熹勁敵」後,其心理壓力不少:「所以都有同佢做心理輔導,其實冇話競唔勁敵嘅,樂壇永遠需要新人,我哋覺得Gigi(炎明熹)都係好有嘅價值嘅歌手。」