鄧麗欣意大利歎世界　激罕水着裸背騷Quali

女星鄧麗欣（Stephy）早前為電影去咗意大利參加影展，仲趁機喺當地去旅行歎世界，叉足電先返港！其實喺疫情下要去旅行真係唔容易，佢今日（16日）趁住天氣好，就喺社交網上載之前喺意大利旅行影嘅靚相回味一番，相中睇到佢激罕晒水着，裸背上陣喺露台拎住嘢飲，欣賞一望無際海景嘅海景，認真識歎！而佢仲有去咗海灘玩，大晒事業線同白滑長腿，盡騷Quali，網民都話睇到噴晒血呀！佢留言講到自己去旅遊嘅感受：「旅遊的其中意義是偶爾可以回憶、偶爾可以想念、偶爾可以期待、下一個旅程到底會是怎麼？」而有唔少網民就好羨慕佢有得去旅行囉！