S媽狂讚女婿具俊曄脾氣穩定 汪小菲咁都中箭?

20220817
東網電視
更多新聞短片
台灣女星徐熙媛(大S)同韓國老公具俊曄最近頻傳懷孕成功,不過都只聞樓梯響,小倆口已經過咗新婚生活5個幾月,估唔到具俊曄冧外母好有計,本身曾因二人瞞婚而怒不可遏嘅S媽,最近竟一改過去反對態度,大讚新女婿人好好,而且脾氣穩定。S媽上小S節目中途受訪時,S媽就狂讚具俊曄人好:「非常nice,脾氣非常穩定,一見面就像一家人。」小S則表示新姐夫好有趣,每日都被佢開玩笑到反鬧佢係「神經病」,S媽仲話女婿好有禮貌,要鬧小S神經病前都會先同自己道歉講對唔住,全家人「相愛相殺」勁Funny。
不過聽完之後,網友反而Focus咗落去大S前夫汪小菲身上,曾被指於大S大肚時激動推跌大S嘅佢,即被裝網友嘲笑佢脾氣唔穩定,仲拎埋佢以前多次同網友罵戰嘅黑歷史出嚟講,又留言話大S依家終於都可以感受到一個錫佢、又溫柔嘅老公係點。