曾與香港導演合作 露絲拜恩經常被點錯相係妮妲莉寶文?

20220817
東網電視
更多新聞短片
42歲的澳洲女星露絲拜恩(Rose Byrne)憑美貌與演技在荷里活影壇成功上位,2004年她被荷里活巨星畢彼特(Brad Pitt)睇中在古裝鉅片《木馬屠城》(Troy)中擔任女主角。從此嶄露頭角!不過露絲未紅時都曾經經歷過做「閒角」的日子,2002年她就在《星球大戰前傳II:複製人侵略》(Star Wars: Episode II – Attack of the Clones)中飾演妮妲莉寶文(Natalie Portman)的隨從。
雖然角色小,但能夠與偶像妮妲莉做對手戲而感到十分雀躍。她曾在訪問中憶述當年獲取錄的經過:「我認為佢哋(製作人)被迫要用我,套戲喺悉尼拍攝,所以佢哋劇組搵咗好多澳洲演員參與。我諗正是呢個原因我獲得呢個角色。所有人都好開心獲取用!」而她亦表示拍攝過程好簡單:「好易啫,我只係一臉嚴肅企喺妮妲莉寶文隔離就得。」不過她自爆經常被影迷誤認她是妮妲莉,其中一次更有影迷走近她並大讚她主演的《第一夫人積琪蓮.甘迺迪》(Jackie)(應是妮妲莉的電影)有出色的表現。
而未紅前,原來露絲曾與香港導演合作過。在2000年,她被長居在澳洲的香港著名女導演羅卓瑤睇中邀請在澳洲電影《遇上1967的愛神》(The Goddess of 1967) 中任女主角。影片講述一個有錢年輕日本人(黑川力矢飾演)去澳洲旅行並打算買一輛在網上銷售網站找到的古董汽車。然而到了哪裏,一切不如想像,而最後與一名金髮女子(露絲飾演)來了一場公路旅行。影片當年於多個電影節獲得多項獎項,包括沃爾庇杯最佳女演員獎和芝加哥電影節最佳導演獎。