陳凱琳晒童年父女合照　原來細個同爸爸勁似樣

前港姐冠軍陳凱琳（Grace）早前因驗DNA風波搞到滿城風雨，多年嚟被質疑同爸爸唔似樣嘅佢，呢日趁住爸爸生日，自製影片公開童年合照送上祝賀，仲話自己永遠都係爸爸嘅小女孩，又自爆用咗成個鐘剪輯影片，希望爸爸會鍾意。相中見佢細個時脹卜卜，而爸爸年輕時樣子的確有幾分混血兒嘅影子，兩父女更同樣擁有一對深邃眼睛，相當似樣，之後Grace愈大愈靚女，衣着打扮亦有屬於自己嘅風格，先同爸爸冇昔日咁相似。