吳業坤日妻中文介紹景點出神入化　粉絲舉手讚好

歌手吳業坤5月宣布同年輕5年嘅日本藝人濱口愛子結婚，太太仲嫁雞隨雞飛嚟香港生活，放棄日本嘅演藝事業。不過佢嚟到之後，一啲都冇Hea，除咗時不時都同老公出去食好西，仲學好中文添！尋日（16日）佢就晒出多張旅行相，仲中日文對照咁介紹日本京都北邊嘅伊根町，不過網友都冇理到佢啲相，因為大家都讚嘆佢喺短短幾個月時間，啲廣東話文法同字眼都啱晒，一睇就明，仲要「越級挑戰」介紹景點，學習心滿心，即被吳業坤大讚「阿嫂」學習能力強，坐等佢晒同老公嘅生活日常。