高海寧出海照後期加工防「走奶」　網民詐型高呼「還我咪咪」

無綫花旦高海寧（高Ling）近日放假，除去佛寺做義工盡顯善心外，亦密密出海，而向來識做嘅佢每次都會拍低唔少出海靚相，放上社交網大派福利。呢日佢再度坐遊艇出海，並發文分享慢活心情：「按下『暫停鍵』，讓自己停下來好好感受生活，昨天的夕陽很美，有個會拍照的朋友真好。特意為我準備的餐單很好吃，就差了一杯熱美式，每件小事都值得用心感受，因為時間過很快，我們又總是健忘。」

雖然今次佢冇着泳衣冇落水，只係以一身文青風打扮上陣，坐船邊吹下海風，不過都依然遮唔住有料身材，Deep V領口露出心口，輕輕晒出線頭，其中一張相，佢對住鏡頭忘形大笑，不經意向前傾拋出巨胸，但佢事後即用文字圖案蓋過事業線，避免「走奶」，唔少網民即刻詐型，高呼「還我咪咪」。