炎明熹結業禮獲獎照曝光　純樸校服Look青春可人

歌手炎明熹（Gigi）今年17歲，即將升讀中六。日前佢嘅中學就舉行結業禮，一向叻女嘅Gigi獲頒音樂課外活動優異獎，而學校官網亦有公開佢得獎嘅相片，相中見佢着上校服，紮住馬尾、戴上眼鏡，形象清純可人。

之後官網亦公開咗Gigi喺2021嘅校園片段，片中可以見到Gigi嘅畫作以及衣服作品，Gigi更喺片中講到：「我比較鍾意藝術，而學校都畀咗好多發揮空間我哋。所以呢間學校真係好啱我。」完全感受到佢嘅校園生活過得相當唔錯！