曾自爆遭非禮近10次　陳善渝疑遭不禮貌問價

歌手陳善渝（Odilia）早前自爆係「被鹹豬手專業戶」，曾被非禮8至10次之多，被侵犯位置包括Pat Pat及大髀等，不過打扮Sexy又擁有超長腿嘅佢就一於少理，成日喺社交網晒出比堅尼辣照派福利兼吸Like，點知就「出事」。有指佢近日晒出多張沙灘後，有人根據Odilia社交平台上顯示嘅電話號碼，聯絡其經理人阿Mi，並提出過分的要求，詢問Odilia會否接受包養，而事成後亦會付佣金畀阿Mi，驚訝之下阿Mi仍禮貌拒絕對方。惟佢擔心Odilia將有新電影年底上映，戲中角色需要搔首弄姿，怕到時定會有更多奇怪人嚟搵佢哋。