陳逸璇獲金唱片　下隻碟最想挑戰偶像張學友

環球歌手陳逸璇（Jolie）今日（18日）現身尖沙咀，為新碟《PRESENT》舉行祝捷會，更宣布上一張唱片《tasting》獲得金唱片成績，除Jolie家人及朋友到場送上鮮花外，一班環球師弟妹包括歌手陳葦璇、吳啟洋（Phoesbus@P1X3L）及新人余宗遙（DEZ）亦趁機為快將生日的Jolie送上祝福。

活動上唱片監製葉廣權與Jolie分享製作感受，表示新碟中歌單是由數十首金曲中選出，Jolie説：「本來揀咗張學友嘅《藍雨》，佢係我兒時最鍾意嘅偶像，佢每隻歌我都識唱，但無奈佢啲歌實在太難唱。」她希望下一張大碟可再次挑戰唱偶像的歌，又指今次新碟是一份好好的生日禮物，期望每年生日都可出一張碟：「HI-Fi展係8月，咁啱我又係8月生日，如果每年都可以咁慶祝就無欲無求。」問到何時開騷，她坦言很希望成事：「好多人都問我，出咗2隻碟再加埋以前都有歌，好想做個騷同樂迷見面，希望喺中型場地，有隊Full Band喺後面，又可以同觀眾距離近啲。」