「細龍太」陳思圻發揮極致 倒戈向無綫發「導彈」宣戰

2022年08月19日 00:01
東網電視
更多新聞短片
無綫處境劇《愛‧回家之開心速遞》的「細龍太」陳思圻(前名陳偉琪,Vicky)約滿離巢後,成為香港開電視的「最強胸器」,以《Summer Girls》節目主持身份帶領10多位「波女」向娘家發放導彈,硬撼無綫的港姐總決賽,一場世紀胸戰即將爆發。
擁有波霸上圍的Vicky日前穿上Bra Top先騷36E真材實料,她擔任《Summer Girls》主持可謂駕輕就熟,她說:「我做過明珠台節目同《3日2夜》主持,做主持多過拍劇呀。」至於其新節目成為對撼娘家的《港姐總決賽》,她稱雖不知情,但對自己的節目充滿信心:「我見過啲女仔相,真係個個都好靚,10幾至30幾歲,咩類型都有,總有一種啱你,佢哋會着泳衣玩好多遊戲,有1、2個都幾誇張,希望啲大家都Ready啦。」又提醒玩遊戲的Summer Girls記得貼好乳貼做足防光措施,否則難放盡去玩,又稱曾有尷尬經歷:「嗰次係拍夏水禮嘅節目,玩玩吓時,有個乳貼浮喺水面度,但唔知邊度浮出嚟,亦都冇人夠膽認係失主。」
問到她準備好泳衣?她竟說:「我未必着,費事啦,人哋比賽唔關我事,唔好為咗睇我,會去沙灘拍幾日,我會準備Dark Tanning Oil,想膚色曬深啲。」不過她揚言不會令Fans失望,因為尚其他料可騷,又充滿自信謂不怕被搶晒鏡,至於是甚麼招數則要先賣關子。至於她心目中的最靚「 Summer Girls」,她個人鍾意健康膚色,毋須誇張身材,要擁有曲線美,識揀啱自己的泳衣,最重要是夠真:「唔使讀好多書,出口成文咁,以前我選美時,就係因想多啲人鍾意我而唔夠真,所以我嘅經驗係,唔好畀在外嘅嘢影響到,搞到Loss咗自己,如果性格係癲喪就繼續癲喪囉。」
至於早前她自爆患上類風濕性關節炎,但深信不會影響拍攝,她謂:「個病都10幾年,只要唔使太早開工就冇問題,或者搵男主持抱我去開工囉。」除和香港開電視合作外,她正傾其他旅遊節目,望在不同頻道及平台跟Fans互動,坦言香港開電視的酬勞比無綫高,亦不抗拒回娘家:「有高質節目嘅會好考慮,(可眷戀「細龍太」角色?)我好掛住『老公』細龍生同奶奶,但唔叫會『老公』睇我個節目,費事佢睇女仔。」
場地提供:泰道