姚焯菲自爆唔想返學　網友錯重點讚Cute！

「國民初戀」姚焯菲（Chantel）係粉絲眼中嘅小公主，僅15歲就已經係當紅偶像，雖然早前因有私密片流出而鬧上法庭，更極速飛新西蘭拋開枷鎖，不過依家事過境遷，佢都安心留港繼續升學。就讀宣道國際學校（GAIS）嘅佢，下周一（22號）就正式升上Grade 11（中五），不過仲係貪玩嘅佢就喺社交網站呻唔想開學：「not ready for school（未準備好返學）」。見佢晒出自己青春活力嘅靚相，仲刻意戴上太陽眼鏡chok爆，加上一身露腰裝襯牛仔短褲，成個度假Look幾咁可愛，難怪網友都留言狂讚啦。