吳若希自爆被戴祖儀盡情踐踏　 PO相求救：反抗唔到！

藝人吳若希（Jinny）呢排喺內地同戴祖儀、陳展鵬、洪永城等拍攝劇集《香港人在北京》。昨日（18日）Jinny就喺社交網上載近照，見佢頭頂放滿髮夾，着上深藍色長裙，笑得非常燦爛。之後佢喺貼文搞笑寫到：「戴祖儀教我，幫人影相嘅時候可以盡情地踐踏被影相嗰個。原因係，人哋影緊相嘅時候反抗唔到！我又學到嘢！」

而一班網民睇完都笑爆嘴，留言話：「你笑到好似喊咁」、「呢招只可以對付有偶像包袱既人」。而戴祖儀亦有留言話：「Hahaha，一陣間又幫你影相先！咁我講咩你都無得Fight Back！」