姜濤表妹楊佳琪晒三點式泳照　 身材火辣超養眼

姜濤表妹楊佳琪（Angelina Dean）早前來港睇MIRROR開Show，不過現時佢仲身處喺香港未走。今日（19日）佢就喺社交網PO相，見佢着上粉紅色三點式泳衣，大晒姣好身材。之後又貼出喺香港吃喝玩樂嘅照片，同埋分享「姜粉」搵佢影相既片段。Angelina喺貼文寫到：「Summertime in Hong Kong.」仲附上心心符號。而網民就留言大讚話：「好靚呀」、「身材唔錯」、「好好在香港享受假期」。

另外，因為MIRROR紅館事故，鏡仔全體停工2個月，工作安排大受影響，連「人氣王」姜濤本身部署推出第一首英語歌曲搶攻歐美樂壇的計劃，也要暫且擱置，但無阻姜濤氣勢，去年他推出的《Dear My Friend,》，曾打入日本電台獲重點推介，據知本月17日此曲也獲挪威電台播放，在24小時內連loop 6次，一眾「姜糖」在社交網開心分享這消息，為偶像感到驕傲！