鄧麗欣搵人畫人體素描　自爆首次做幕後

女星鄧麗欣（Stephy）今午（19日）出席以「森林保護者」為題之活動，展出了她特意為活動而畫的一幅老虎油畫，她透露用了3天時間完成：「平時一般都係2、3日畫好，因為唔係好大幅，加上今次有目標為活動而畫，所以好快完成。」近年才開始鑽研油畫的她，至今已完成十多幅作品，被問到有否考慮開畫展？她表示未有想過：「有好多朋友都咁問，但我主要當興趣Relax，唔想刻意為做畫展而做，其實我以前讀書係學掃描。（有冇試過畫人體素描？）未試過，唔係我專項。（有冇興趣？）暫時未有想畫嘅目標人選，有冇介紹？哈哈！睇吓有冇人自薦。」

談到工作，她指多部有份參與的電影，受疫情影響而押後，終於陸續排期上映：「終於上啦啲戲，嚟緊會做宣傳，隔咗咁耐自己都覺得有啲可惜，希望有機會上到啦。」她透露正籌備新電影項目，會首次參與幕後製作：「故事上面會參與討論一齊創作，雖然唔係自己寫，但本身冇經驗，相信要花多啲時間創作。」