「A0」詹天文未拍過拖 寫唔出情歌

2022年08月20日 18:01
東網電視
更多新聞短片
歌手詹天文(Windy)何晉樂及應屆「聲夢」學員趙紫諾等,今日(20日)出席Mira Place Gimme LiVe音樂節10周年「五音十色」演出,場面熱鬧。
Windy表示下月要為音樂人Johnny Yim演唱會演出,加上近日開始為新曲填詞,故有點忙碌。當問到填詞是否往情歌方向走,她否認說:「係勵志歌,愛情我未經歷過。(未試過初戀?)小學時試過Puppy Love,都應該唔計。(有人追?)冇,起碼我feel唔到。(會唔會好似炎明熹咁,25歲先拍拖?)冇咁嘅規定,順其自然啦。(對男朋友有咩要求?)最緊要兩個人感覺啱,我唔會畀限制自己,例如要好靚仔咁,一過電所有嘅限制都消失晒,即刻好鍾意對方。」
趙紫諾於《聲夢2》內與師姐鍾柔美合作相當投緣:「我真係好鍾意佢,覺得佢好有才能,同時間亦好照顧我,又同我分享自己嘅演出經驗,我跳舞時面部表情唔得,佢私底下花咗好多時間指點我。(想學佢唱跳?)冇諗過,我鍾意跳舞,但冇乜信心,嚟緊嘅舞台演出係我第一次唱跳,排練嘅時間得4日,好緊張,而且最大嘅問題係唔夠氣,唱跳會影響我嘅歌唱表現。(好多人睇好你攞冠軍。)大家都想我做得更好,所以我畀自己好大壓力,好多嘢都要諗清楚點做。」