陳自瑤懶理婚變傳聞　靠冥想安定心神

藝人陳自瑤（Yoyo）屢傳與老公王浩信婚變，早前甚至有指已正式簽字離婚，不過事後2人急急發聲明極力否認，事隔數日，Yoyo終於更新社交網交代近況，見佢繼續懶理婚變傳聞，避談婚姻生活，只晒出日常生活照，同囡囡玩LEGO玩具，享受親子時光。與此同時，佢又晒出冥想時嘅用具，留言問大家有冇試過冥想，似乎想透過冥想，令自己思緒慢慢安靜落嚟，令情緒變得安定，但未知係咪同婚變傳聞有關。