陳茵媺相隔12年與老公夫妻檔拍劇　 花11個鐘試造型狀態大勇

藝人陳茵媺（Aimee）自從與陳豪（Moses）結婚後，淡出娛樂圈，全力照顧家庭，做個賢妻良母，至今已有8年冇拍劇。但最近佢就傳來好消息，就係佢即將復出拍劇，仲要係同老公相隔12年，以夫妻檔上陣拍攝監製陳維冠嘅新劇。劇中佢哋更飾演情侶，搞到Aimee既開心又期待。而Aimee尋日（22日）就喺社交網分享開工相，相中見佢精神奕奕兼笑晒口，之後佢仲喺貼文透露為新劇試完造型，仲用咗11個鐘頭，正進入工作模式，相信佢嚟緊拍劇一定會狀態大勇呀！