Karla Souza《扮工獵人》演吸血鬼　戴假牙有色con有挑戰

Netflix動作新片《扮工獵人》（Day Shift）由占美霍士（Jamie Foxx）飾演以泳池清潔工身份做掩飾的吸血鬼獵人，而墨西哥女星Karla Souza則飾演以地產經紀身份做掩飾的吸血鬼首領，兩人有激烈的對打場面！Karla受訪時談到扮吸血鬼的難處：「我每次戴住假獠牙講嘢都會唔清楚，好難演到有威嚇性，其他人會笑我！而戴住嗰啲有色隱形眼鏡，幾乎睇唔到嘢。所以要演到係好自然，係有啲困難。」

她為研究吸血鬼演繹方法，亦看了其他吸血鬼電影做參考：「我開頭唔知有咁多設定，又唔可以掂蒜頭，唔可以眨眼，又唔可以喊。有好多規定，我與其睇資料，不如直接睇啲吸血鬼戲，由《捉鬼小靈精》（The Lost Boys）到《永生情人》（Only Lovers Left Alive）乜都睇……真係好大壓力，你會諗，我哋係咪可以及得上其他吸血鬼片嘅水準？不過我認為我哋都做得唔錯！」