地產經紀浴袍Look賣樓遭狠批　原來曾係樂壇女歌手

日前一條樓盤宣傳影片掀起網絡熱話，片中一名地產經紀陳蒨葶（Sammi）以浴袍示人、露出香肩膀坐喺浴缸中，介紹樓盤空間。影片一出惹嚟唔少同行狠批，話佢有失專業形象：「根本自己行業貶低緊自己行業，賣樓就賣樓啦。」但有關影片現時已經下架，失去蹤影！

其實Sammi大有來頭，原名陳慧婷嘅佢，曾喺2010年以藝名葉慧婷加入樂壇，更先後喺《新城勁爆頒獎禮》中奪得「新城勁爆新登場女歌手」及「新城勁爆躍進歌手」。唔少網民對佢做過歌手表示驚喜，仲話估唔到佢轉行做地產呀！