索妻林佑蔚PO火辣泳照　陳宇琛難抵誘惑：Too hot to handle！

石修兒子陳宇琛（Sam）與前有線主播林佑蔚（Camille）結婚五年，今年Camille宣布大肚，上月更公布佗B女，並透露預產期喺12月。而尋日（27日），Camille就喺社交網分享比堅尼靚相，見佢身形超Fit，皮膚白滑，上圍仲漲卜卜，非常養眼，唔講真係唔知佢有咗身紀。之後佢仲喺貼文寫道：「有時真係要做啲嘢等自己開心下，無論係游下水，捉住夏天的尾巴，定係簡簡單單影張相。」而阿Sam隨即大讚老婆：「Too hot to handle！」認真Sweet呀！