與陳百祥相愛43年一直甜蜜　黃杏秀：希望之後仍能沿途有你！

藝人陳百祥（阿叻）早前宣布告別主持界，但之後又「出爾反爾」，透露老友曾志偉曾喺金融風暴借過9位數幫自己，所以要畀面志偉繼續留低。其實佢近年已經少咗出現幕前，每次出入都有「24孝老婆」黃杏秀（秀姑）陪伴，相當溫馨。而今年喺二人嘅結婚43周年，秀姑上載與阿叻嘅合照，見佢小鳥依人咁挨喺阿叻身上，一臉幸福。佢仲喺貼文寫到：「朋友送給了我結婚那年份的酒！43年了，執子之手希望之後仍能沿途有你。」而網民就話睇住佢哋相愛半世紀依然恩愛，覺得好感動呀！