張頴康大談演藝路上辛酸史　 感謝太太一直支持：冇佢就唔會有我！

入行超過廿年的張頴康接受無綫娛樂新聞台《星光路上》訪問，大談演藝路上辛酸史，他透露入行初期雖憑馬來西亞電影《太陽雨》登上威尼斯影展紅地氈，但回港後依然備受冷待，所出演的角色連一句對白也沒有，他說：「嗰時都叫做代表香港去，之後返嚟又係做啲街坊角色，有啲難受，我冇諗過真係一、兩句對白都冇。」幸好他沒有因此而放棄，反而更主動爭取機會，結果成就了今天的他。

談到多年來受慢性皮膚疾病纏繞，搞到身心飽受煎熬，他指多得太太麥雅緻從旁支持及信任，才能捱到今天，更在節目中隔空向太太發表愛的宣言：「冇佢就唔會有我，依家可以擁有一個家庭，可以無憂無慮地去做自己鍾意嘅嘢，都要多謝我太太。」