楊丞琳跳aespa舊歌竟出事　播英文原曲反被批

內地於2017年實施「限韓令」，令韓國藝人冇法再飛到內地出席活動，韓劇、韓國綜藝等通通冇市場，就連內地節目都唔可以邀請韓國藝人或播放韓文歌曲，點知此舉就搞到歌手楊丞琳一身蟻。佢近日於內地節目《沸騰校園》中，大跳韓國女團aespa神曲《Next Level》舞蹈，不過現場就播放出《Next Level》嘅英文原曲（由A$ton Wyld演唱），最後即惹韓國網民極度不滿，狂鬧佢翻跳aespa嘅舞但就用其他版本嘅歌，好唔尊重！

其實全球爆紅嘅《Next Level》係改編自電影《狂野時速：雙雄聯盟》（Fast & Furious Presents: Hobbs & Shaw）中的歌曲《Next Level》（由A$ton Wyld演唱），aespa於2021年取得原曲版權後，加上hit爆舞蹈，成功帶挈佢哋憑此曲橫掃MAMA的「最佳女團舞蹈表演獎」和韓國音樂大獎的「年度歌曲大獎」建及「最佳K-POP歌曲獎」等，難怪韓國粉絲當正佢哋先係「正宗」版本。