范爺效應！范冰冰「變髮」引爆模仿潮　潮人地位未受動搖

內地女星范冰冰近年積極經營旗下美妝品牌，近日佢再做生招牌影靚相，並於社交網公開拍攝花絮片段，有多年拍照經驗嘅佢，一埋位就進入狀態，自動波狂轉甫士兼交足戲，一時露出甜美笑容，一時又展現型格表情，輕鬆完成拍攝。期間工作人員提到佢早前以「公主切」髮型示人，成功帶起熱潮，吸引女士們爭相模仿，佢就坦言其實係一場意外，原意並唔係想要「公主切」，只係當日戴上假髮，被髮型師將假髮連埋真髮一同修髮，結果意外造成呢個爆紅髮型，證明范冰冰依然係潮流指標，地位未受動搖。另外，佢呢日獲邀出席品牌活動，再搞搞新意思，換上雙S劉海，再度引起網民熱議，新一波「范冰冰效應」蓄勢待發。