就是青春︱洪韻騏梳髮陰頭 獲欽點唱劇集主題曲
20220903
東網電視
更多新聞短片
![](/hk/bkn/cnt/entertainment/20220903/photo/bkn-20220903160415314-0903_00862_001_01p.jpg?20220903173525)
「翻版炎明熹」洪韻騏(Wincy)聯同香港開電視節目《就是青春》的17位學員,齊集流浮山拍攝主題曲《不讓青春留白》MV,眾人需在幾架飄移的賽車包圍下勁歌熱舞,Wincy不諱言大呼好型,但同時淆底,指一眾學員的舞步均不得出錯,否則很容易受傷。
以齊陰頭現身的她受訪時,拿出梳整理前額髮陰,被取笑學足師姐炎明熹,Wincy尷尬表示其髮型已維持多年,只曾於拍攝造型照時,嘗試過分界Look,更笑說:「佢啲頭髮厚啲!」對於未比賽已被欽點唱劇集主題曲,她透露有留意網上評價:「有網民話鍾意我把聲,亦有人把聲同Gigi好似,跟足佢咁,但我覺得唔一樣。(話你係大熱有壓力?)又唔覺得自己係大熱,大家到時睇吓其他參賽者表現,就知佢哋都好勁,唱歌跳舞都好叻,我本身有芭蕾舞底,所以啲舞步都跟到。」
早前完成DSE考試的她,透露現時報讀音樂專科課程,並已開學兩日,問到可有被同學認出?她說:「我哋暫時都未自我介紹,又戴住口罩,同埋我全角落頭,所以未認到我。(今日咁熱拍MV好辛苦?)辛苦,頭先影相都瞪唔大對眼,希望啲相唔好咁樣衰啦!」