棒棒堂解散真相曝光！敖犬嬲爆同隊友鬧交

前台灣男團棒棒堂曾經紅極一時，係好多90後嘅共同回憶，佢哋喺2006年出道嗰陣有6位成員莊濠全（敖犬）、小煜、威廉、阿緯、小傑（已改名小杰）、王子，到咗2009年解散。

到底當年點解佢哋會拆團呢？敖犬最近上節目時大爆當年棒棒堂拆團實相，佢話係因為小杰唔續約唱片公司，後來其中4名成員敖犬、小煜、威廉、阿緯以組合Lollipop@F繼續發展，而小杰、王子就與毛弟另組男團JPM。敖犬仲話當時自己仲好細個，曾經為拆團呢件事而同其他隊友鬧大交添！而佢近年都將事業重心轉往內地，仲發展得唔錯，不時現身內地綜藝節目，同埋拍咗唔少電影同劇集，不過佢約滿北京嘅經理人公司之後，最近已返台灣發展。