鄧詠雪為美人魚發聲　希望有更多演出機會

藝人鄧詠雪（雪子）日前再變身美人魚出席「人魚水上嘉年華」，身體力行為「人魚界」出力推廣美人魚活動，不過今次跟以往演出有不同之處是活動在泳池邊舉行，水深最多只多1.4米左右，而非要潛入海底。

曾擔任美人魚大使的她表示：「推廣美人魚都有6、7年，仲成立咗水底藝術協會，今次好開心香港終於有美人魚騷，覺得人魚界可謂跨進一大步。」她除會在騷上表演外，亦會和小朋友互動，教育下一代關注環保及愛護海洋。她更希望香港有一日如台灣、美國及杜拜等地，在商場設大型水族館：「咁我哋人魚界就多咗地方表演。」

問到穿上人魚尾時會否行動不便？她說：「着咗魚尾係行唔到路嘅，我哋每次都會喺後台着好魚尾，之後就要勞煩大隻佬抱我哋去到表演場地，如果想移動都可以嘅，不過只限於爬或者碌地，唔會企起身跳，因為咁樣會有危險性。」